Edabaayani Nee Krupa

ఎడబాయని నీ కృప

నను విడువదు ఎన్నటికీ

యేసయ్యా నీ ప్రేమానురాగం

నను కాయును అనుక్షణం

శోకపు లోయలలో – కష్టాల కడగండ్లలో

కడలేని కడలిలో – నిరాశ నిసృహలో

అర్ధమేకాని ఈ జీవితం

ఇక వ్యర్థమని నేననుకొనగ

కృపా కనికరముగల దేవా

నా కష్టాల కడలిని దాటించితివి

విశ్వాస పోరాటంలో – ఎదురాయె శోధనలు

లోకాశల అలజడిలో – సడలితి విశ్వాసములో

దుష్టుల క్షేమమునే చూచి

ఇక నీతి వ్యర్థమని అనుకొనగ

దీర్ఘశాంతముగల దేవా

నా చేయి విడువక నడిపించితివి

నీ సేవలో ఎదురైన – ఎన్నో సమస్యలలో

నా బలమును చూచుకొని – నిరాశ చెందితిని

భారమైన ఈ సేవను

ఇక చేయలేనని అనుకొనగ

ప్రధాన యాజకుడా యేసు

నీ అనుభవాలతో బలపరిచితివి