నీతో సమమెవరు – నీలా ప్రేమించేదవరు
నీలా క్షమియించేదెవరు – యేసయ్యా
నీలా పాపికై ప్రాణం పెట్టిన – వారెవరు (2)
లోక బంగారము – ధన ధాన్యాదులు
ఒక పోగేసినా – నీతో సరితూగునా
జీవ నదులన్నియు – సర్వ సంద్రములు
ఒకటై ఎగసినా – నిన్ను తాకగలవా
లోక సౌఖ్యాలన్నీ ఒక చోట కుమ్మరించిన
నీవేగా చాలిన దేవుడవు ||నీతో||
పలు వేదాలలో – మత గ్రంథాలలో
పాపమే సోకని – పరిశుద్దుడేడి
పాప పరిహారార్థం – సిలువ మరణమొంది
తిరిగి లేచినట్టి – దైవ నరుడెవ్వరు
నీలా పరిశుద్ధ దేవుడెవరున్నారయ్యా
నీవేగా మంచి దేవుడవు ||నీతో||
నేను వెదకకున్నా – నాకు దొరికితివి
నేను ప్రేమించకున్నా – నన్ను ప్రేమించితివి
పలు గాయాలు చేసి – తరచు రేపితిని
నన్నెంతో సహించి – క్షమియించితివి
నీలా జాలిగల ప్రేమగల దేవుడేడి
నీవేగా విమోచకుడవు ||నీతో||